Australian Volunteers for International Development (AVI) ၏ ပံ့ပိုးမှုဖြင့် မြန်မာနိုင်ငံမသန်စွမ်းသူများရှေ့ဆောင်အဖွဲ့သည် မသန်စွမ်းအမျိုးသမီးများနှင့် ၎င်းတို့၏မိသားစုဝင် အမျိုးသမီးများအတွက် အခြေခံစီးပွားရေးလုပ်ငန်း အမြင်ဖွင့်သင်တန်း၊ တစ်နိုင်တစ်ပိုင်စီးပွားရေး လုပ်ငန်း ထူထောင်ရန်အတွက် စိတ်ကူးအကြံဉာဏ် ဖော်ထုတ်ခြင်းသင်တန်းနှင့် စီးပွားရေးလုပ်ငန်း စတင် တည်ထောင်ခြင်း သင်တန်းများကို အဖွဲ့ ရှေ့ဆောင်ခန်းမ၌ ဖွင့်လှစ်ပို့ချခဲ့သည်။ အဆိုပါသင်တန်းများကို Genius Training Center မှ Master Trainer က ပို့ချခြင်းဖြစ်သည်။ ၂၀၁၉ ခုနှစ် မေလ ၂၀ ရက်နေ့မှ ၂၂ ရက်နေ့အထိ တစ်ရက်တာ အခြေခံစီးပွားရေးအမြင်ဖွင့်သင်တန်းကို သုံးကြိမ်ပြုလုပ်ခဲ့ရာ အဆိုပါ သင်တန်းသို့ မသန်စွမ်းအမျိုးသမီးများနှင့် ၎င်းတို့၏မိသားစုဝင်အမျိုးသမီး သင်တန်းသူ ၅၃ ဦး ပါဝင်တက်ရောက်ခဲ့သည်။ ဇွန်လ ၄ ရက်နေ့မှ ၆ ရက်နေ့အထိနှင့် ဇွန်လ ၁၁ ရက်နေ့မှ ၁၃ ရက်နေ့အထိ တစ်နိုင်တစ်ပိုင်စီးပွားရေးလုပ်ငန်း ထူထောင်ရန်အတွက် စိတ်ကူးအကြံဉာဏ် ဖော်ထုတ်ခြင်းသင်တန်းကို နှစ်ကြိမ် ဖွင့်လှစ်ပို့ချခဲ့ရာ အဆိုပါသင်တန်းများသို့ မသန်စွမ်းအမျိုးသမီးများနှင့် ၎င်းတို့၏မိသားစုဝင် အမျိုးသမီး သင်တန်းသူ ၃၆ ဦး ပါဝင်တက်ရောက်ခဲ့သည်။ ဇွန်လ ၂၄ ရက်နေ့မှ ၂၇ ရက်နေ့အထိ နှင့် ဇူလိုင်လ ၁ ရက်နေ့မှ ၄ ရက်နေ့အထိ စီးပွားရေးလုပ်ငန်း စတင်ထူထောင်ခြင်းသင်တန်းကို နှစ်ကြိမ်ဖွင့်လှစ်ပို့ချခဲ့ရာ အဆိုပါသင်တန်းသို့ မသန်စွမ်းအမျိုးသမီးများနှင့် ၎င်းတို့၏မိသားစုဝင် အမျိုးသမီး သင်တန်းသူ ၃၁ ဦး တက်ရောက်ခဲ့သည်။